Bangkuang palid ka sisi
Sisindiran opat jajar
Aya cangkang aya eusi
Rarasaan cengkéh konéng
Kulit peuteuy dina nyiru
Rarasaan lengkéh konéng
Kulit beuteung mani nambru
Najan peuteuy dina nyiru
Sakoteng dibawa muter
Najan kulit beuteung nambru
Da ganteng katambah pinter
Kudu getol neukteuk kuku
Ngarah teu nyiwit ka abdi
kudu getol maca buku
Ngarah sapinter Habibi
Haur Geulis Indramayu
Loba pisan manuk puter
Tuh dangukeun ibu guru
Jadi jalmi kudu pinter
Melak lobak dua jajar
Ripuh kalah kalémpohan
Ka sakola téh diajar
Ulah waka bobogohan
0 Response to "Sisindiran Sésébréd Piwuruk"
Post a Comment